Kringsjá

FERÐALAGIÐ:

Undirbúningurinn tók nokkra mánuði, kanna þurfti veðurlag, möguleika á gistingu, áritanaþörf á vegabréfum, hvernig bregðast ætti við veikindum o.fl. o.fl. mesti tíminn fór í tímaáætlun vegna járnbrauta þar sem allt þarf að stemma upp á punkt og prik. Við gerðum allt sjálf, bæði skipulagningu og kaup á þjónustu. Erfiðast var að eiga við kaup á lestarmiðum hjá Rússnesku járnbrautunum, ekki það að þeir séu erfiðir en kýrílska stafrófið og Rússneskan gerði okkur erfitt fyrir, þetta var fullt af miðum sem við þurftum að kaupa og á réttu farrými og nákvæmlega réttum tíma. Allt gekk það nú upp og það sem Rússarnir seldu okkur var það sem við fengum, nákvæmlega. Kaup á gistingu var auðveldara að eiga við, þar var yfirleitt hægt að notast við ensku.