Kringsjá

FERÐALAGIÐ:

Í júní 2013 brá ég mér til Svalbarða, hafði lengi langað að berja eyjuna augum og helst fá að skoða Rússnesku byggðir eyjunar auk höfuðstaðarins Longyearbyen.

Tækifærið gafst í júní 2013 með Norwegian flugi frá Osló þann 10. júní á meðan Ágústa dvaldi hjá vinkonu sinni í Notodden og í Osló. Gisting í Longyearbyen er frekar dýr og ég fékk að tjalda á tjaldstæðinu fyrir neðan flugvöllinn 4 km fyrir utan Longyearbyen, sýndist ég vera fyrsti gesturinn það sumarið. Þó tjaldstæðið væri enn frekar blautt og hitinn fór niður að frostmarki yfir næturnar varð dvölin ágæt. 

Ég fór í tvær bátsferðir sitt hvorn daginn, annars vegar til Pyramiden og hins vegar til Barentsburg, báðar gamlar Rússneskar byggðir sem eru í endurreisn eftir fall Sovétríkjanna. 

Annars fór ég fótgangandi en síðasta daginn leigði ég bíl og keyrði þessa fáu vegarspotta sem til eru á eyjunni. Hægt er að keyra innst inn í Adventdalen annars vegar og upp á fjall þar fyrir ofan en hins vegar fram hjá flugvellinum stutta leið.

Allt á Svalbarða er dýrt, matur, gisting, farartæki, skoðunarferðir, sama hvað er. Allt saman vel þess virði.